Камітэт палітычных пытанняў і бяспекі Парламенцкай асамблеі АБСЕ 7 ліпеня прыняў літоўскую рэзалюцыю супраць газавых праектаў «Паўночная плынь – 2» і «Турэцкая плынь».
Згодна з дакументам, будаўніцтва газаправодаў ёсць патэнцыйным сродкам палітычнага і эканамічнага прымусу залежных ад паставак энергарэсурсаў дзяржаў. Такую фармулёўку ўнеслі ў рэзалюцыю амерыканскія парламентарыі, паведамляе РИА «Новости».
Як заявіў кангрэсмен Лі Зелдын, Расея хоча ўзмацніць залежнасць Еўропы ад сваіх энергарэсурсаў. Ад гэтага могуць пацярпець краіны Цэнтральнай і Усходняй Еўропы, адзначыў ён.
Таксама, папраўкі ЗША прапануюць краінам АБСЕ далучыцца да глабальнага рынку прыроднага газу ды падтрымліваць адно аднаго ў стрымліванні і і спыненні спробаў выкарыстоўваць пастаўкі энергарэсурсаў як сродак эканамічнага прымусу.
«Паўночная плынь – 2» прадугледжвае пракладку дзвюх нітак газаправода па Балтыйскім моры ад Расеі да Германіі. У межах «Турэцкай плыні» плануецца пабудаваць з Краснадарскага краю Расеі па дне Чорнага мора дзве ніткі газаправоду: адну – турэцкім спажыўцам, другую – у краіны Паўднёвай і Паўднёва-Усходняй Еўропы.
МГ belsat.eu