«Пан Тадэвуш» – супольны скарб. Менскі і Беластоцкі тэатры разам чыталі Міцкевіча. ВІДЭА
Супольнае чытанне фрагментаў эпасу Адама Міцкевіча арганізавалі Драматычны тэатр імя Аляксандра Венгеркі з Беластоку і тэатр імя Янкі Купалы з Менску. Імпрэзу падтрымаў Польскі інстытут у Менску.
«Упершыню сумеснае чытанне беларускіх і польскіх актораў адбываецца ў онлайн-фармаце ў жывой трансляцыі», – распавёў «ПАП» Павел Латушка, дырэктар Нацыянальнага акадэмічнага тэатру Беларусі імя Янкі Купалы.
Спектакль, падчас якога фрагменты «Пана Тадэвуша» гучалі на польскай і беларускай мовах, адбыўся пад рэжысурай Алены Ханам. Трансляцыю мерапрыемства можна было паглядзець у Facebook.
Dzień Teatru Publicznego – czytanie fragmentów "Pana Tadeusza"
[EDIT] Serdecznie dziękujemy wszystkim za wspólnie spędzony wieczór❗️ A jeśli nie mogliście obejrzeć czytania, możecie to w każdej chwili nadrobić ?___________________________________________________Zapraszamy na wyjątkowe wydarzenie. Za pomocą internetu, artyści z Białegostoku połączą swoje siły z aktorami z Narodowego Teatru Akademickiego im. Janki Kupały w Mińsku na Białorusi (Нацыянальны акадэмічны тэатр імя Янкі Купалы). Reprezentanci dwóch scen wspólnie przeczytają „Pana Tadeusza”.Gospodarzami wieczoru są Dorota Sokołowska i Źmicier Kościn – dziennikarze Polskie Radio Białystok. Organizatorami Dnia Teatru Publicznego są Instytut Teatralny im. Zbigniewa Raszewskiego i Ministerstwo Kultury i Dziedzictwa NarodowegoWydarzenie jest współfinansowane przez Instytut Kultury Polskiej w Mińsku (Польскі інстытут у Мінску / Instytut Polski w Mińsku)Serdecznie zapraszamy! ??
Opublikowany przez Teatr Dramatyczny im. Aleksandra Węgierki w Białymstoku Czwartek, 21 maja 2020
Мерапрыемства адбылося з нагоды Дня грамадскага тэатру, які адзначаецца ў Польшчы, і 100-годдзя Беларускага тэатру імя Янкі Купалы.
Латушка падкрэсліў, што «Пан Тадэвуш» з’яўляецца культурным скарбам для палякаў і беларусаў. Ён нагадаў, што паэт нарадзіўся каля Наваградка, на тэрыторыі сучаснай Беларусі.
Ён дадаў, што пастаноўка «Пан Тадэвуш», пад рэжысурай мастацкага кіраўніка ім. Янкі Купалы Мікалая Пінігіна, паказваецца з 2014 года на сцэне гэтага тэатру і карыстаецца прызнаннем гледачоў.
Дырэктар Польскага інстытуту ў Менску падкрэсліў, што сітуацыя, звязаная з эпідэміяй каронавіруса і выкліканымі ёю абмежаваннямі, таксама стала магчымасцю для новых формаў супрацы.
«Гэта першая такая ініцыятыва, якая, з аднаго боку, з’яўляецца прыкладам паспяховай супрацы, а з іншага – яна адкрывае новыя сферы дзейнасці ў рэжыме онлайн», – сказаў Цэзары Карпіньскі.
У пачатку траўня ў Беларусі знайшлі яшчэ адзін напамін пра вялікага паэта. У закінутым склепе ў вёсцы Студзёнкі каля Нясвіжу краязнаўцы выявілі на «камень Міцкевіча».
pj/belsat.eu паводле PAP
