Палітолаг, сацыёлаг і дарадца па нацыянальнай бяспецы прэзідэнта ЗША Джымі Картэра Збігнеў Бжэзіньскі памёр на 90-м годзе жыцця ў больніцы гораду Фолс-Чэрч (штат Вірджынія). Пра ягоную смерць паведаміла дачка Міка.
«Мой бацька сёння мірна сканаў. Ён быў вядомы сваім сябрам як Збіг, унукам – як Шэф, а жонцы – як любоў яе жыцця. Я ведала, што ён бацька, які натхняе, любіць і які толькі мог бы быць у дзяўчыны. Я люблю цябе, тата», – напісала Міка Бжэзіньскі ў сваім «Instagramʼе».
Бжэзіньскі з 1966 па 1968 гады ўваходзіў у Раду па планаванню палітыкі Дзярждэпартаменту ЗША.
Ён быў адным з прыхільнікаў палітыкі, якая прывяла да маштабных студэнцкіх пратэстаў і вываду амерыканскіх войскаў з Вʼетнаму.
З 1977 па 1981 гады Бжэзіньскі працаваў дарадцам па нацыянальнай бяспецы прэзідэнта ЗША Джымі Картэра.
Збігнеў Бжэзіньскі нарадзіўся ў Варшаве (паводле іншых звестак у польскім консульстве ў Харкаве). З 1938 году жыў у Канадзе, а пазней выехаў у ЗША, дзе зрабіў акадэмічную і палітычную кар’еру.
ЮВ, belsat.eu