Вакаліст «The Prodigy» скончыў жыццё самагубствам. Яму было 49 гадоў.
«Смерць не разглядаецца як падазроная», – паведамляе паліцыя.
«Навіна – праўда, я не магу паверыць, што кажу гэта, але наш брат Кейт скончыў жыццё самагубствам у выходныя. Я ў шоку, вельмі злы, разгублены, маё сэрца разбітае», – напісаў стваральнік «The Prodigy» Ліэм Гоўлет ад імя гурта ў Instagram.
Паводле «The Sun», цела Флінта знайшлі каля восьмай раніцы ў Данмаў у графстве Эсэкс. Абставіны гібелі музыкі не паведамляюцца.
Кейт Флінт быў адным са стваральнікаў «The Prodigy» ў 1990 годзе. З андэграўндавай рэйв-сцэны вырасла адная з самых вялікіх групаў у Брытаніі.
Флінт стаў знакаваю фігурай на брытанскай музычнай сцэне з ягонымі энергічнымі жывымі выступамі ды адметнымі валасамі і татуіроўкай. Спачатку ён браў удзел у калектыве ў якасці танцора, а ў 1996 годзе ўпершыню запісаў сінгл.
ДР belsat.eu
