Памёр кіраўнік аршанскага ТБМ і былы мэр Барані Юрый Нагорны

Юрый Нагорны. Фота: facebook.com/arciom.sizincau

17 ліпеня стала вядома пра смерць кіраўніка аршанскай суполкі Таварыства беларускай мовы Юрыя Нагорнага. Пра гэта паведаміў у сваім Facebook Арцём Сізінцаў.

«Сумная вестка… Памёр Юры Нагорны, сапраўдны беларускі патрыёт, паслядоўны абаронца роднай мовы, дэмакратыі і гарадскога самакіравання. У Барані няма бадай ніводнага чалавека, які б не ведаў яго. Светлая памяць», – адзначыў Сізінцаў.

Сумная вестка… Памёр Юры Нагорны, сапраўдны беларускі патрыёт, пасьлядоўны абаронца роднай мовы, дэмакратыі і…

Opublikowany przez Arcioma Sizincaŭ Piątek, 17 lipca 2020

Юрыю Нагорнаму быў 71 год. Ён нарадзіўся ў Заходняй Беларусі, але паводле размеркавання разам з жонкай быў накіраваны ў Барань, дзе працаваў настаўнікам. Праз некаторы час ён быў прызначаны дырэктарам адной з бараньскіх школаў і разам з жонкай ствараў у Барані школьныя музеі. У пачатку 1990-х ён узначаліў Бараньскі савет дэпутатаў. Дзякуючы яму, у горадзе былі перайменаваныя вуліцы ў гонар беларускіх герояў, піша orsha.eu.

Пасля сыходу з гарвыканкаму Юрый Нагорны вярнуўся на дырэктарскую пасаду ў школу, а таксама ўзначаліў Аршанскую арганізацыю ТБМ, якой кіраваў да смерці. У 2019 годзе гэтая арганізацыя атрымала грамадскую прэмію як найбольш актыўнае грамадскае аб’яднанне рэгіёну. За гэтую прэмію быў абноўлены помнік паўстанцам Каліноўскага ў Пагосцішчы і часткова прафінансаваны першы вандроўны фестываль імя Караткевіча.

Улады хацелі прыбраць помнік паўстанцам Каліноўскага – а цяпер іх два!

МГ belsat.eu

Hавiны