Ён меўся сустракацца з кліентам, але тэлефон адваката не адказваў. Вартая даверу крыніца пацвердзіла «Нашай Ніве» смерць Аляксея Ярмошына (на фота).
Апошнім часам ён працаваў у Менскай абласной спецыялізаванай юрыдычнай кансультацыі №2. А раней стаяў па іншы бок барыкадаў – фігураваў як намеснік пракурора Фрунзенскага раёну Менску.
Паводле Лідзіі Ярмошынай, сям’і і дзяцей у Аляксея не было. Аляксей памёр на 40-ым годзе жыцця.
Бацька адваката, Дзмітрый Ярмошын, жыве ў Калінінградзе. Адносіны з сынам ён амаль не падтрымліваў.
Некалькі гадоў таму памерла маці старшыні ЦВК. Лізавета Гаркавенка была доўгажыхаркай, пражыла больш за 95 гадоў.
На мінулым тыдні ў аўтакатастрофе загінуў пляменнік Лідзіі Ярмошынай – Вадзім Капусцін.
