У Гарадзенскім раёне затрымалі грамадзяніна Іраку.
Гэта адбылося 17 лістапада каля населенага пункту Рынкаўцы, паведамляе прэс-служба Дзяржаўнага памежнага камітэту.
Паводле затрыманага, яму 23 гады і ён грамадзянін Іраку. Дакументы, якія сведчаць асобу, у яго адсутнічалі, а быў толькі мабільны тэлефон і 200 еўраў. Мужчына спрабаваў апраўдаць свой незаконны «візіт» турыстычнымі мэтамі.
Замежніка прыцягнулі да адміністратыўнай адказнасці паводле арт. 23.29 (незаконнае перасячэнне мяжы) і арт.23.55 (парушэнне правілаў перабывання) Кодэксу аб адміністратыўных правапарушэннях Беларусі. Затрыманага перадалі польскаму боку.
Глядзіце таксама:
НМ, belsat.eu