13 кастрычніка ў Польшчы адбываюцца выбары ў ніжнюю (Сейм) і верхнюю (Сенат) палаты парламента.
Мандаты атрымаюць 460 дэпутатаў і 100 сенатараў.
Выбары ў ніжнюю палату польскага парламента адбываюцца паводле прапарцыйнай сістэмы (партыйныя спісы). Сенатараў абіраюць у аднамандатных акругах (як дэпутатаў у Беларусі).
На мінулых выбарах кіроўная «Права і справядлівасць» (ПіС) набрала 37,5 % галасоў. Паводле апошняга перадвыбарчага сацыялагічнага даследавання IBRiS, ПіС падтрымліваюць 42 % палякаў. Галоўныя канкурэнты ПіС: «Грамадзянская кааліцыя» – 23 %, а Аб’яднаныя левыя сілы – 14 %.
Парламенцкія выбары праходзяць на 27 415 выбарчых участках (320 замежных).
ЮВ belsat.eu