12 удзельніц конкурсу «Міс Беларусь-2016» адчулі недамаганне.
Пра гэта паведаміла прэс-сакратарка тэлеканалу АНТ Юлія Дуброўская. Цяпер дзяўчыны знаходзяцца ў першай менскай паліклініцы для ўстанаўлення дыягназу.
«Удзельніцы ўвесь час знаходзяцца разам. У іх штодзённыя мерапрыемствы, учора рэпетавалі. Магчыма, два халодных дні справакавалі захворванне. Можа быць, адна з іх прыхварэла і заразіла іншых віруснай інфекцыяй. Мы чакаем заключэння лекараў», – адзначыла Юлія Дуброўская.
Тыдзень таму арганізатары конкурсу адхілілі ад удзелу адну з удзельніц, якая спазнялася на рэпетыцыі. Такім чынам, колькасць прэтэндэнтак на карону скарацілася да 24-х.