Паводле карэспандэнткі «Белсату» у Бабруйску Марыны Малчанавай, вуліца, дзе была запланаваная акцыя антыпараду, перакрытая.
Уздоўж усёй вуліцы Менскай у Бабруйску стаяць патрулі ДАІ.
«На вуліцу пускаюць толькі грамадскі транспарт. ДАІ ў кожным двары. Па вуліцы туды-сюды гуляюць людзі ў цывільным», – распавяла карэспандэнтка «Белсату» у Бабруйску Марына Малчанава.
Пра перакрытыя вуліцы таксама паведамляюць і інтэрнэт карыстальнікі, якія планавалі ўзяць удзел у антыпарадзе. Нагадаем, што акцыю хацелі арганізаваць паплечнікі блогера Сяргея Ціханоўскага, які аб’явіў пра намер узяць удзел у прэзідэнцкай гонцы.
ЮВ belsat.eu