Палітвязню Ігару Лосіку працягнулі тэрмін утрымання пад вартай

Палітвязню Ігару Лосіку працягнулі тэрмін утрымання пад вартай на тры месяцы, да 25 сакавіка. Пра гэта паведаміла ў сваім Instagram жонка Ігара Дар’я Лосік.

25 снежня тэрмін утрымання Ігара Лосіка пад вартай меўся скончыцца. Але 15 снежня палітвязню агучылі новае абвінавачванне – «падрыхтоўка да ўдзелу ў масавых беспарадках» (ч. 2 арт. 293 КК РБ). У выніку Ігару Лосіку працягнулі тэрмін утрымання пад вартай да 25 сакавіка.

Ігар Лосік не прызнае віны і абвесціў бестэрміновую галадоўку да зняцця ўсіх абвінавачанняў або змены меры стрымання. Ён лічыць свой крымінальны пераслед палітычна матываваным.

Ігар Лосік – блогер, адміністратар тэлеграм-канала «Беларусь головного мозга». Блогер актыўна асвятляў падзеі вакол выбарчай кампаніі прэзідэнта Беларусі. Яго затрымалі 25 чэрвеня ў Баранавічах.

У Беларусі на сёння 167 палітычных вязняў, сярод якіх і журналісткі «Белсату» Кацярына Андрэева і Дар’я Чульцова.

Бацька палітзняволенай гарадзенкі: Магчыма, мая дачка трапіла ў закладнікі

СК belsat.eu

Банер у падтрымку незалежных журналістаў

Hавiны