Пра гэта паведаміла адвакат апазіцыянера Вольга Міхайлава.
Паводле Міхайлавай, паліцыянты не хацелі пускаць да Навальнага і яе самую.
«Мяне, ягонага адваката, у 64-ю больніцу не пускалі. Толькі пасля скандалу змагла да яго прайсці. У палату не пускалі ўжо паліцыянты. Зноў скандал. Пусцілі. Адкрылі дзверы, падслухоўвалі. Зноў скандал. Дзверы зачынілі. Прыйшлі лекары, не з гэтай больніцы, якія назіралі Аляксея шмат гадоў. Ім не далі яго нармальна агледзець, толькі праз шчыліну ў дзверы. Усё гэта выглядае вельмі дзіўна і дакладна незаконна», – піша Міхайлава.
24 ліпеня Навальнага арыштавалі на 30 сутак за парушэнне правілаў правядзення мітынгу. Нагодай стаў яго выступ на мітынгу 20 ліпеня, падчас якога ён прапанаваў зладзіць акцыю каля мэрыі Масквы з патрабаваннем дапусціць незалежных кандыдатаў да выбараў у Масгардуму, а таксама яго пост у «Фэйсбуку» з заклікам кандыдатаў на тую ж тэму.
Раніцай 28 ліпеня Навальнага са спецпрыёмніка, дзе ён адбывае арышт, даставілі ў лякарню з дыягназам «вострая алергічная рэакцыя».
Цяпер Навальны знаходзіцца ў палаце тэрапеўтычнага аддзялення пад аховай паліцыі.
Раней у размове з карэспандэнтам «Белсату» палітык распавёў, што яму «ужо лепш, чымся раніцай».
ДД belsat.eu