Амерыканскія заканадаўцы назвалі будаўніцтва расейскага газаправода «радыкальным крокам назад для энергетычнай бяспекі Еўропы» і лічаць праект перш за ўсё геапалітычным інструментам Крамля.
У рэзалюцыі Палаты прадстаўнікоў ЗША гаворыцца, што «Паўночная плынь– 2» узмоцніць кантроль Расеі над еўрапейскім энергетычным рынкам. Дакумент заклікае ўрады еўрапейскіх краін адмовіцца ад удзелу ў праекце і таксама заклікае прэзідэнта Дональда Трампа «выкарыстаць усе наяўныя сродкі для падтрымання еўрапейскай энергетычнай бяспекі».
«Геапалітычны цікавасць Расеі да «Паўночнай плыні – 2» заключаецца не ў павышэнні энергетычнай бяспекі Еўропы, а ў тым, каб убіць клін паміж еўрапейскімі краінамі і рэзка скараціць палітычны ўплыў Украіны ў дачыненні да Расеі, а таксама скараціць значны даход, які атрымлівае Украінай ад збораў за транзіт», – гаворыцца ў дакуменце, які цытуе «Голос Америки».
Палата падтрымлівае ўвядзенне санкцый у сувязі з будаўніцтвам «Паўночнай плыні – 2» у адпаведнасці з Законам аб супрацьдзеянні супернікам Амерыкі.
- «Паўночная плынь – 2» (анг. «Nord Stream 2») – праект магістральнага газаправоду з Расеі ў Германію праз Балтыйскае мора. Праект мусіць быць завершаны ў наступным годзе.
- Большасць экспертаў, у тым ліку расейскія, мяркуюць, што праект трубаправода «Паўночная плынь-2» не акупіцца з фінансавага пункту гледжання. Таму рэалізоўваюць яго нібыта дзеля таго, каб пакараць украінцаў пазбаўленнем транзіту і даць магчымасць нажыцца падрадчыкаў, якія яго будуюць. Вядомая расейская журналістка і публіцыст Юлія Латыніна таксама выказала думку, што праект «Паўночная плынь-2» Крэмль можа выкарыстаць дзеля анексіі Беларусі.
ІІ, belsat.eu
