У планах на пятніцу сесіі ў дэпутатаў няма.
Дэпутаты Палаты прадстаўнікоў збяруцца 8 траўня на чарговае паседжанне, каб вырашыць, калі ў Беларусі праводзіць выбары кіраўніка краіны. Пра гэта паведамляе БелаПАН са спасылкай на прэсавую службу Палаты прадстаўнікоў. Што цікава, у раскладзе дэпутатаў няма на 8 траўня ніякіх паседжанняў – у гэты дзень у іх запланаваная праца ў выбарчых акругах.
Як паведамляе БелаПАН, на паседжанне былі запрошаныя прадстаўнікі выключна дзяржаўных медыяў: афіцыйная прычына – каронавірус.
Нагадаем, па заканадаўству ў Беларусі выбары мусяць адбыцца не пазней за 31 жніўня.
ВЯ Belsat.eu