6 снежня ў Менску ў прасторы «Тэрыторыя правоў» пройдзе паказ кароткаметражнага сацыяльнага фільма «Безыменныя людзі».
Улетку гэтага года ў Менску быў зняты сацыяльны кароткаметражны фільм. Яго аўтары – каманда каманда маладых пачаткоўцаў актораў, фатографаў і сацыяльных актывістаў. Тэматыка фільма – бяздомнасць, якая прысутнічае ў кожнай краіне і з’яўляецца цэлым комплексам сацыяльных праблем.
Падчас працы над праектам каманда ўзяла шмат інтэрвʼю ў менскіх бесхацінцаў і актывістаў, якія ім дапамагаюць. Пасля заканчэння працы над праектам аўтары жадаюць падзяліцца інфармацыяй, на якой быў заснаваны фільм, а таксама тым, што ў яго не ўвайшло.
Акрамя паказу фільма адбудзецца фотавыстава, у якую ўвайшлі фатаграфіі менскіх бесхацінцаў, зробленыя рэжысёрам падчас працы.
Падчас падзеі можна будзе набыць печыва, прыгатаванае ўласнаручна арганізатарамі, ды паштоўкі фотаздымкаў з выставы. Усе сабраныя сродкі пойдуць на куплю для бяздомных рэчаў першай неабходнасці: мыла, галякоў і г.д. У дадатак будзе арганізаваны збор адзення для бяздомных.
Уваход вольны, але трэба зарэгістравацца. Пачатак 6 снежня а 17:00 па адрасе вуліца Ложынская 16.
МГ belsat.eu