Падлеткі кідалі валасы ў ежу, каб не плаціць за заказы ў кавярнях


У Менску затрымалі няпоўнагадовых хлопца і дзяўчыну, якіх падазраюць у махлярстве ў кавярнях гораду. Пра гэта паведамілі ў Міністэрстве ўнутраных справаў.

Розніца 100 рублёў: колькі каштуе і дзе лепш набыць салат «Цэзар»?

Падлеткаў затрымалі праз скаргу ахоўніка адной з кавярняў, з адміністрацыяй якога яны канфліктавалі. Маладзёны заяўлялі, што знайшлі валасы ў замоўленай страве, і патрабавалі прынесці іншую ежу бясплатна ў якасці кампенсацыі за «маральную» шкоду.

Аднак наведнікам адмовілі, і яны сышлі. Неўзабаве іх затрымалі: запісы з камер відэаназірання кавярні паказалі, што «пацярпелыя» самі падкінулі свае ж валасы ў ежу.

У Маскве затрымалі беларуса, якога падазраюць у махлярстве

Па словах ахоўніка, раней падлеткі падобным чынам пракруцілі падобную афёру ў іншым рэстаране. Там яны атрымалі заказ бясплатна ўзамен на «сапсаваны».

Зараз дзеянням затрыманых даецца прававая ацэнка.

МГ belsat.eu

Глядзі таксама
Каментары