Лукашэнка загадаў правесці маштабную праверку беларускага войска, з запасу прызвалі 2 тыс. чалавек


Дзяржаўны сакратарыят Савета Бяспекі ў адпаведнасці з даручэннем Аляксандра Лукашэнкі праводзіць праверку Узброеных сіл Беларусі. Адпаведнае распараджэнне міністру абароны Андрэю Раўкова ўручыў 12 сакавіка кіраўнік Савета бяспекі Станіслаў Зась.

Адзначаецца, што кантролі падвяргаюцца падраздзялення розных відаў і родаў войскаў: выведкі, ракетных войскаў і артылерыі, механізаваных, зенітных ракетных войскаў, авіяцыі, у тым ліку з правядзеннем з імі вучэнняў з баявой стральбою.

Будзе праверана сістэма мабілізацыі войскаў, у тым ліку гатоўнасць сфармаваць асобную механізаваную брыгаду і яе здольнасць самастойна выконваць задачы па прызначэнні. З запасу прызываецца да 2 тыс. ваеннаабавязаных.

Асаблівая ўвага будзе нададзена ацэнцы магчымасцяў сіл і сродкаў ВПС і войскаў СПА «па прыкрыцці адміністрацыйна-прамысловых раёнаў і перадухіленні актаў паветранага тэрарызму». Асобна правяраюцца пытанні воінскай дысцыпліны ў войсках, а таксама стан узбраення і тэхнікі ў баявых вайсковых частках і на базах захоўвання, паведамляе БелТА.

ІІ, belsat.eu

Глядзі таксама
Каментары