Следчы камітэт скончыў расследаванне крымінальнай справы ў дачыненні да 35-гадовага жыхара Салігорскага раёну, якога абвінавачваюць у жорсткім забойстве састарэлай асобы з хуліганскіх памкненняў.
Здарэнне адбылося 18 жніўня 2018 года. Двое жыхароў сталага веку аднаго са шматкватэрных дамоў Салігорску размаўлялі на лаўцы ў сваім двары. Да іх падышоў п’яны мужчына і стаў прасіць грошай на выпіўку. Калі атрымаў адмову, то жорстка збіў 78-гадовага мужчыну.
«Ён прычыніў пацярпеламу шматлікія пашкоджанні і пайшоў», – паведаміла афіцыйная прадстаўніца СК па Менскай вобласці Таццяна Беланог.
Пажылога чалавека даставілі ў больніцу, праз тыдзень ён памёр.
Падазраванага ўзялі пад варту. Лекары знайшлі ў яго псіхічнае захворванне, але сцвярджаюць, што на момант збіцця ён аддаваў справу сваім дзеянням і мог імі кіраваць.
Яму пагражае ад васьмі да дваццаці пяці гадоў зняволення, пажыццёвае зняволенне або смяротнае пакаранне.
ДД
