Міністэрства аховы здароўя апублікавала новыя дадзеныя па сітуацыі з каронавіруснай інфекцыяй у Беларусі.
Па стане на 3 траўня ў Беларусі зарэгістравана 16 705 выпадкаў каронавіруснай інфекцыі, што складае 8,1% ад колькасці тэставаных. За содні колькасць інфікаваных вырасла на 877 чалавек.
«За ўвесь перыяд распаўсюджвання інфекцыі на тэрыторыі краіны памерлі 99 пацыентаў з шэрагам хранічных захворванняў з выяўленай каронавіруснай інфекцыяй», – адзначаюць у Мінздароўя.
Учора паведамлялася пра 97 ахвяраў – такім чынам, за апошнія содні памерлі яшчэ двое інфікаваных.
Паправіліся і былі выпісаныя саа шпіталяў за ўвесь час 3 196 чалавек.
КА belsat.eu