Савецкі суд Менску вырашыў, што выданне «Новы Час» абавязанае сплаціць Зайдэсу 700 рублёў маральнай кампенсацыі і пакрыць судовыя выдаткі, а таксама апублікаваць абвяржэнне свайго матэрыялу.
Першапачаткова гаспадар скандальна вядомай установы «Паедзем, паядзім» патрабаваў спагнаць з рэдакцыі газеты і журналіста Дзяніса Івашына 8 тысяч беларускіх рублёў. У гэткую суму бізнесовец ацаніў свае маральныя пакуты з прычыны публікацыі расследавання пра будаўніцтва рэстарацыі каля Курапатаў.
Судовы разбор датычыў двух артыкулаў, надрукаваных сёлета ў чэрвені ды ліпені. Пазоўнік заяўляў, што прыведзеныя ў публікацыях звесткі – перадусім пра незаконнае будаўніцтва рэстарану «Паедзем, паядзім» – зневажаюць ягоную дзелавую рэпутацыю.
Журналіст Дзяніс Івашын не мусіць плаціць кампенсацыю бізнесоўцу.
Леанід Зайдэс у судзе адсутнічаў. Яго інтарэсы прадстаўляла адвакатка Яўгенія Патапава.
ДР belsat.eu