У адным з двароў Менску недалёка ад Менгарвыканкаму з’явіўся новы стрыт-арт. Гэтым разам невядомыя мастакі намалявалі камандзіра менскага АМАПУ Дзмітрыя Балабу. 25 сакавіка сілавікі затрымалі больш 700 асобаў.
«Гэта ён кіруе разгонамі мірных сходаў грамадзянаў. За вашыя грошы», – напісана на сцяне.
Каля плошчы Перамогі на трансфарматарнай будцы, дзе раней быў партрэт Васіля Быкава, зʼявілася графіці міністра ўнутраных спраў Ігара Шуневіча з подпісам «Гэта я ганаруся формай і метадамі НКУС».
А каля Інстытуту культуры мужчына падобны да начальніка МУС Ігара Еўсеева, у спартовым касцюме і чорнай шапцы з надпісам: «Гэта мы з пацанамі скрадаем людзей».
UPD. Графіці ўжо замалёўваюць камунальнікі.
Першы падобны арт-аб’ект з партрэтам колішняй міністаркі працы і сацыяльнай абароны Марыяны Шчоткінай з подпісам «Гэта я аўтар падатку для беспрацоўных» з’явіўся ўночы на 5 сакавіка. Графіці аператыўна прыбралі, ад яго засталіся толькі пантофлі. Пазней над пантофлямі спадарыні Шчоткінай з’явіўся надпіс «Ну вы ж самі ўсё разумееце».
12 сакавіка ў Мазыры з’явілася наклейка з выявай старшыні Савету Рэспублікі Міхаіл Мясніковіч. Яе суправаджаў подпіс «Гэта я ўвёў дарожны падатак. А паліўны акцыз ідзе кудысьці ў бюджэт». На наступны дзень малюнак таксама прыбралі са сцяны.
ДР belsat.eu
