9-11 ліпеня надвор’е Беларусі будуць вызначаць атмасферныя франты і прахалодныя паветраныя масы з поўначы Еўропы.
Паводле Белгідрамету, 9 ліпеня будзе пераважаць хмарнае і дажджыстае надворʼе. Удзень у асобных раёнах навальніцы. Вецер заходні парывісты, месцамі да моцнага. У сярэдзіне дня 15 – 21 градусаў. Атмасферны ціск будзе слаба падаць.
10 ліпеня воблачна, ноччу з праясненнямі. На большай частцы тэрыторыі дажджы. Удзень месцамі навальніцы. Ноччу і раніцай слабы туман. Вецер заходні, паўночна-заходні ўмераны, пры навальніцах парывісты. Ноччу 7 – 12 градусаў, удзень 14 – 20.
11 ліпеня воблачна з праясненнямі. На большай частцы тэрыторыі кароткачасовыя дажджы. Ноччу ў асобных раёнах слабы туман. Удзень месцамі па ўсходзе краіны магчымыя навальніцы. Вецер паўночна-заходні парывісты. Уночы 8 – 13 градусаў, удзень 15 – 22.
МГ belsat.eu