Нобелеўскую прэмію па літаратуры атрымаў брытанскі пісьменнік японскага паходжання Кадзуо Ісігуро
Сёння а 13-й гадзіне па шведскім часе было абвешчана імя лаўрэата Нобелеўскай прэміі па літаратуры 2017-га году. Ім стаў пісьменнік Кадзуо Ісігуро з Вялікай Брытаніі.
«які ў сваіх раманах незвычайнай эмацыйнай сілы адкрыў бездань, якая хаваецца за ілюзорным пачуццём звязанасці са знешнім светам», – сказана ў афіцыйным прэс-рэлізе Шведскай Акадэміі.
Кадзуо Ісігуро нарадзіўся ў 1954 годзе ў Нагасакі, Японія.
«Тэмы, з якімі найбольш працуе Нобелеўскі лаўрэат 2017 Кадзуо Ісігуро : памяць, час і падман самога сябе», напісана ў Twitter Нобелеўскай прэміі.
У мінулым годзе Нобелеўскую прэмію па літаратуры атрымаў Боб Дылан, які доўга адмаўляўся зʼяўляцца на афіцыйную цырымонію, каб забраць узнагароду. У 2015-м годзе Нобелеўскай лаўрэаткай стала беларуская пісьменніца Святлана Алексіевіч.
Па тэме:
- Святлана Алексіевіч заплаціла падатак 197 000 еўра з Нобелеўскай прэміі. Ніхто ў свеце так не робіць
- Святлана Алексіевіч падпісала 108 раённых бібліятэк на «Народную волю»
- Боб Дылан пагадзіўся забраць сваю Нобелеўскую прэмію
ВЧ, belsat.eu
