«НН»: сілавікі затрымалі кіраўніка Браслаўскага раёну


Уладзімір Дранеўскі. Фота vitvesti.by

«Наша Ніва» са спасылкаю на ўласныя крыніцы паведамляе, што 27 чэрвеня сілавікамі быў затрыманы старшыня Браслаўскага райвыканкаму Уладзімір Дранеўскі.

Нібыта Дранеўскага разам з жонкай, а таксама некаторымі падначаленымі праваахоўнікі выводзілі з будынку райвыканкаму.

Уладзімір Дранеўскі адсутнічаў на парадзе, які праходзіў у Браславе 3 ліпеня з нагоды Дня Незалежнасці. Абмяркоўваецца затрыманне чыноўніка і ў мясцовых суполках сацыяльных сетак – кажуць, што чыноўнік нібыта затрыманы за хабар.

У праваахоўных органах інфармацыю пакуль не каментуюць.

ІІ, belsat.eu, паводле «Наша Ніва»

Глядзі таксама
Каментары