Не задушыць, а абараніць. У міліцыі распавялі, навошта разганяюць пратэсты

Начальнік ГУУС Менгарвыканкаму міліцыі Іван Кубракоў у інтэрв’ю на сайце ведамства патлумачыў, чаму міліцыянты не даюць людзям станавіцца ў чэргі.

Паводле кіраўніка менскай міліцыі, сілавікі не імкнуцца здушыць чужое меркаванне.

На журналіста, якому пры затрыманні пабілі нос, склалі пратакол за непадпарадкаванне

«Просьбы міліцыянераў не станавіцца ў чарзе і не ладзіць несанкцыянаваныя масавыя акцыі таксама не варта трактаваць у тым ключы, што навязвае сетка. Не імкнёмся здушыць чужое меркаванне – толькі забяспечваем правапарадак, абараняючы жыцці і здароўе грамадзянаў», – заявіў Іван Кубракоў.

Ён падкрэсліў, што такім чынам міліцыянты спрабуюць не паўтарыць трагедыі, якая здарылася на Нямізе ў 1999 годзе.

«З бусаў палезлі здаровыя лосі». Башлыкевіч запісаў песню пра затрыманні

Паводле яго, супрацоўнікам міліцыі тлумачаць, як сябе паводзіць у складаных сітуацыях. Таксама ў іх ёсць магчымасць звярнуцца да псіхолага па кансультацыю пра бесканфліктных стасунках.

Кубракоў абверг інфармацыю пра тое, што ў міліцыі перад выбарамі праходзяць пазапланавыя вучэнні. Паводле яго, такія звесткі не маюць нічога агульнага з рэчаіснасцю.

Лукашэнка: «Забыліся, як Карымаў у Андзіжане задушыў путч, расстраляўшы тысячы чалавек? Дык мы нагадаем»

МГ belsat.eu

Hавiны