Больш за 30 найноўшых аўтаматызаваных сістэмаў кіравання, сістэмаў і сродкаў сувязі, звыш 100 адзінак колавай тэхнікі сувязі і тэлекамунікацыйнага абсталявання, створаных на прадпрыемствах Беларусі, заступілі на баявое дзяжурства ў беларускім войску. Пра гэта паведамілі ў Міністэрстве абароны.
Айчынныя сродкі і сістэм сувязі не саступаюць паводле сваіх характарыстык лепшым сусветным аналагам, заявіў 25 кастрычніка падчас цырымоніі перадачы тэхнікі ў воінскія падраздзяленні намеснік прэм’ер-міністра Ігар Ляшэнка.
Віцэ-прэм’ер выказаў упэўненасць, што перададзеная тэхніка і абсталяванне будзе выкарыстоўвацца пісьменна і беражліва.
МГ belsat.eu