Ён звальняецца з 14 жніўня
Працаўнік адміністрацыі дзейнага кіраўніка краіны Аляксандра Лукашэнкі апублікаваў у Instagram інфармацыю пра сваё звальненне.
Намеснік начальніка ўпраўленне заканадаўства ў праваахоўнай і вайсковай сферах галоўнага дзяржаўна-прававога ўпраўлення адміністрацыі Лукашэнкі Арцём Праскаловіч апублікаваў фота заявы на імя кіраўніка ведамства Пятра Сяргеенкі з просьбай звольніць яго з 14 жніўня.
«Больш не лічу магчымым быць юрыстам на дзяржаўнай службе», – адзначыў чыноўнік у публікацыі.
Арцёму Праскаловічу 33 гады. У 2010 годзе ён скончыў юрыдычны факультэт БДУ.
МГ belsat.eu