Сярод тых, хто заразіўся новым каронавірусам няма людзей старэйшых за 15 гадоў. І навукоўцы не ведаюць, чаму дзеці не становяцца ахвярамі віруса 2019-nCoV.
Пра адсутнасць смяротных выпадкаў пасля заражэння каронавірусам сярод дзяцей гаворыцца ў даследаванні, апублікаваным у навуковым часопісе «New England Journal of Medicine».
Кітайскія навукоўцы выказалі здагадку, што дзеці менш схільныя да заражэння, бо іхная імунная сістэма працуе лепш.
Новы каронавірус падобны на той, які ў 2002-2003 гадах выклікаў усплёск атыповай пнеўманіі. Тады сярод больш чым 8000 пацыентаў было толькі 80 лабараторна пацверджаных выпадкаў хваробы сярод дзяцей і яшчэ ў 55 былі сімптомы атыповай пнеўманіі. Пазней высветлілася, што атыповая пнеўманія ў дзяцей да 12 гадоў працякала значна лягчэй, чымся ў дарослых. Тады быў зафіксаваны толькі адзін выпадак перадачы віруса ад дзіцяці іншай асобе.
ЮВ belsat.eu
