Навучаўся ў ваенна-патрыятычным класе. Што вядома пра нападніка на Верхнядзвінскі РАУС?


18-гадовы хлопец, які ўзяў на сябе адказнасць за напад на Верхнядзвінскі РАУС, навучаўся ў ваенна-патрыятычным класе, амаль не меў кантактаў з іншымі вучнямі. Пра гэта паведамляе радыё «Свабода».

Г. летась скончыў школу ў Смаргоні. Бацькі разведзеныя. Мае старэйшага брата. Іхны бацька – прадпрымальнік, мае некалькі крамаў у горадзе.

У 2019 годзе хлопец скончыў школу, паступіў у Полацкі ўніверсітэт. Паводле класнай кіраўніцы, у яго не было сяброў. Падазраваны памяняў некалькі школаў. Апошнія два гады навучаўся ў ваенна-патрыятычным класе. Захапляўся гісторыяй, у 11-м класе заняў трэцяе месца на абласной алімпіядзе.

Знаёмыя кажуць, што ён быў агрэсіўны і часта пагражаў іншым, канфліктаваў і з аднакласнікамі, і з настаўнікамі. Сяброў у яго амаль не было.

«Адзіночка. Нейкая нервовасць у ім была, сум у вачах. Магчыма, нават нешта на ўзроўні псіхікі. Гэта было праблемнае дзіця», – кажа былая настаўніца.

Абноўлена
На Віцебшчыне хлопец з кактэйлем Молатава і нажом напаў на аддзяленне міліцыі
2020.01.01 13:26

У ноч на 1 студзеня ў Верхнядзвінску адбыўся напад на мясцовы РАУС. Быў затрыманы 18-гадовы хлопец, які кінуў бутэльку з запальнай сумессю на тэрыторыю аддзелу аховы. Пры спробе затрымання ён параніў нажом двух міліцыянтаў.

Перад нападам падазраваны выпусціў відэазварот і апублікаваў маніфест, дзе патлумачыў свае погляды ды дзеянні.

МГ belsat.eu

Стужка навінаў