Беларусь рыхтуецца падпісаць пагадненне паводле якога цяпер беларускіх жаўнераў змогуць накіроўваць у гарачыя кропкі Расеі. Весці перамовы даручана КДБ. Пакуль гэта датычыць спецназу. Але ў праект яшчэ могуць унесці змены.
Журналісты «Белсату» распыталі мінакоў, ці павінны беларускія вайскоўцы браць удзел ва ўзброеных канфліктах у Расеі.
«Я пацыфіст, таму не магу падтрымліваць. Яшчэ ўзнікае пытанне навошта Расеі нашыя хлопцы? Сваіх не хапае?», – кажа хлопец.
«Я сам служыў. Я не за і не супраць. Лічу, што калі б нешта было ў нас, то Расея нас таксама б падтрымала», – сказаў яшчэ адзін апытаны.
«Думаю, што не варта, таму што ў нас яны павінны радзіму абараняць», – кажа мянчук.
«Ведаючы расейскія сілавыя структуры, гэта ўварванне ў суверэнныя справы», – мяркуе апытаны.
Больш адказаў у відэа.
ДР belsat.eu