Нацыянальны банк Беларусі прыняў рашэнне знізіць стаўку рэфінансавання да 9 % гадавых. Новаўвядзенне ўступіць у сілу з 20 лістапада, паведамляецца на сайце галоўнай фінансавай установы краіны.
Стаўка рэфінансавання зніжаецца з 9,5 % да 9 % гадавых. Такое рашэння пранятае падчас паседжання кіраўніцтва Нацбанку ў грашова-крэдытнай палітыцы. Нагадаем, што некаторыя крэдыты прывязаныя менавіта да стаўкі рэфінансавання. То бок запазычваць грошы ў банкаў стане танней.
У ведамстве адзначаюць, што цягам трэцяга кварталу гэтага года запаволілася інфляцыя, а гадавы рост коштаў адбываецца ў межах прагнозу. Таму зніжэнне стаўкі рэфінансавання захавае нейтральны характар грашова-крэдытнай палітыкі.
Зніжэнне стаўкі рэфінансавання можа павялічыць попыт на банкаўскія пазыкі, знізіць кошт крэдытаў, а таксама паспрыяе бізнес-актыўнасці ў эканоміцы. Але Нацбанк вядзе паступовае зніжэнне адсоткаў па крэдытах. Яшчэ ў пачатку гэтага года начальнік упраўлення эканамічнага аналізу Нацбанку Андрэй Кацегаў выказваў меркаванне, што стаўка па крэдытах да канца 2019 года захаваецца на ўзроўні 10 %.
На пачатку 2017 года стаўка рэфінансавання складала 18 %.
СК belsat.eu