Насустрач 9 жніўня. Коратка пра карысць склаўшыхся абставінаў

Можна, я не буду нічога пісаць пра апазіцыю? Не, мне ёсць што сказаць. Проста з меркаванняў гуманнасці і не жадаючы дэманстраваць лішні раз валоданне нецэнзурным лексіконам. Можна? Дзякуй.

Цяпер па сутнасці.

Аляксандр Лукашэнка і Лідзія Ярмошына ўзгаднілі дату правядзення выбараў-2020. Скрыншот president.gov.by

На гэты раз улада не пісала для сябе ніякіх сцэнарыяў. Яна наагул нічога не рабіла. Лукашэнка – гэта такая састарэлая Джулія Ламберт, якая ўмее трымаць паўзу. Вось і на гэты раз – ён здолеў вытрымаць паўзу, калі ўсе вакол вызначыліся, уключаючы Бога, І ўпісаў сваю перадвыбарчую тактыку ў тыя ўмовы, якія склаліся да моманту абвяшчэння выбараў.

Новости
У ЦИК нет времени, чтобы позволить безопасно собирать подписи на выборах во время пандемии
2020.05.08 08:30

 

У апазіцыі няма кандыдата? Выдатна. Прызначым, як і пяць гадоў таму. Не збярэ подпісы? Ну, не збярэ. Бывае. Не ў першы раз. Лідзія Міхайлаўна ведае, што рабіць. А можа, і зусім нічога рабіць не спатрэбіцца. Выбары ўсё роўна будуць на альтэрнатыўнай аснове.

Брацкія абдымкі з Расеяй растуленыя? Выдатна. У нас з’явіўся магутны апанент (не вораг – барані божа, бо яшчэ можа спатрэбіцца), змагаючыся з якім мы і пераможам. Тут, дарэчы, і расейскі тэлеканал пад руку падгарнуўся: не трэба будзе рабіць дадатковых намаганняў, каб мабілізаваць ашалелы ад пандэміі антырасейскі электарат.

Обновлено
Президентские выборы пройдут 9 августа
2020.05.08 09:52

Каронавірус утрымае частку выбарнікаў дома? Проста выдатна. Ёсць вопыт датэрміновага галасавання, які назапашваўся гадамі. Гэта значыць, бюджэтнікі, якія працуюць, прыйдуць і прагаласуюць датэрмінова. Астатніх – Лідзія Міхайлаўна ўжо загадзя сказала аб асаблівых умовах – «прагаласуем» па месцы дачных акопаў. Заадно ёсць падстава і выдатная магчымасць абмежаваць прысутнасць на ўчастках для галасавання непажаданых назіральнікаў, журналістаў і ўсякай міжнароднай, прабачце, шушары.

Новости
Ермошина: выборы могут пройти без международных наблюдателей
2020.05.08 13:05

Пачалася кампанія байкоту? Не смяшыце, што называецца, мае выбаркамы. Механізм гульні на паніжэнне яўкі адладжаны ўжо даўно. А да 9 жніўня вялікія гарады будуць пустыя, акцыяў пратэсту не прадбачыцца.

І самае галоўнае: хто скажа, што ўсё гэта падстроіла беларуская ўлада? Ніхто. Нават у Вусава са Шрайбманам языкі не павернуцца. Усё выйшла само сабой, але, як гаворыцца, да лепшага.

– Лідзія Міхайлаўна, вы гатовыя?

– Я гатовая, – кажа службовая асоба глыбокім грудным голасам, пасля чаго выдаляецца добрасумленна выконваць ускладзеныя на яе далікатныя жаночыя плечы цяжкія функцыянальныя абавязкі.

Усе астатнія вольныя да 9 жніўня.

Аляксандр Фядута/ІР belsat.eu

Рэдакцыя можа не падзяляць меркавання аўтара.

Стужка навінаў