Намеснік міністра абароны Украіны затрыманы па падазрэнні ў растраце больш за 5 млн долараў
Нацыянальнае антыкарупцыйнае бюро Украіны раскрыла справу аб схемах растраты ў Мінабароны краіны, паведамляе Deutsche Welle. У ліку падазроных – намеснік міністра абароны і кіраўнік дэпартамента дзяржзакупак.
Ва Украіне ў сераду, 11 кастрычніка, затрымалі намесніка міністра абароны генерал-лейтэнанта Ігара Паўлоўскага і дырэктара Дэпартамента дзяржзакупак і пастаўкі матэрыяльных рэсурсаў Мінабароны Уладзіміра Гулевіча. Абодвух падазраюць у растраце 149 млн грыўняў (каля 5,6 млн даляраў) дзяржаўных сродкаў пры закупцы паліва для ваеннага ведамства.
Затрыманні адбыліся ў рамках спраў аб карупцыйных схемах растраты ў Мінабароны, раскрытыя супрацоўнікамі Нацыянальнага антыкарупцыйнага бюро Украіны (НАБ).
Як гаворыцца ў паведамленні, распаўсюджаным на сайце ведамства, у пачатку 2016 года Мінабароны правяло адкрытыя таргі на закупку паліва. У выніку з адным з камерцыйных прадпрыемстваў, прапанову якога прызналі найбольш выгадным, 13 і 18 траўня 2016 года было заключана 14 дагавораў на пастаўку паліва для тэхнікі спецыяльнага прызначэння за кошт сродкаў дзяржбюджэту на суму больш за 1 млрд грыўняў. Бакі таксама падпісалі дадатковыя пагадненні, у якіх «беспадстаўна была павялічана кошт за адзінку тавару ў сярэднім на 16 працэнтаў ад пачатковай цаны». У выніку пастаўшчыку было пералічана 149 млн 339 тыс. грыўняў.
Следства прыйшло да высновы, што высокапастаўленыя чыноўнікі міністэрства абароны заключылі папярэднюю змову з прадстаўнікамі камерцыйнага прадпрыемства, а таксама здзейснілі растрату дзяржмаёмасці з выкарыстаннем службовага становішча.
Намесніка міністра абароны і дырэктара дэпартамента дзяржзакупак падазраюць у здзяйсненні злачынства па ч.5 арт. 191: Крымінальнага кодэкса Украіны ( «прысваенне, растрата маёмасці або завалоданне ім шляхам злоўжывання службовым становішчам«). У бліжэйшы час суд павінен абраць меру стрымання ў дачыненні да абодвух падазраваных.
КА, belsat.eu
