Працаўнікі буйнога беларускага прадпрыемства «Нафтан» выказваюць нязгоду з гвалтам сілавікоў і не прызнаюць вынікі выбараў.
«Мы салідарныя з народам Рэспублікі Беларусь. Мы заяўляем: у нас няма даверу да дзейнай улады, бо мірныя беларусы больш не адчуваюць сябе ў бяспецы ў сваёй уласнай краіне. Беларусам страшна выйсці на вуліцу, страшна выказаць сваю пазіцыю, страшна зрабіць і адстойваць свой выбар. […] Мы не прызнаем вынікаў гэтых выбараў, як і многія грамадзяне нашай краіны», – гаворыцца ў адкрытым звароце, які апублікаваны ў тэлеграм-канале «Внимание, ОАО Нафтан».
Сярод галоўных патрабаванняў: правядзенне сумленных выбараў, адстаўка Аляксандра Лукашэнкі; адстаўкі ЦВК на чале з Лідзіяй Ярмошынай; вызваленне ўсіх затрыманых падчас выбарчай кампаніі, мірных акцыяў пратэсту і палітвязняў; спынення гвалту і пераследу з боку супрацоўнікаў сілавых структур; расследаванне ўсіх выпадкаў гвалту.
У выпадку невыканання гэтых патрабаванняў рабочыя збіраюцца сысці на 14-дзённы страйк.
Раней да страйку далучыліся «Белшына», МАЗ [частка цэхоў пакуль правяла толькі мітынгі], МТЗ і «Беларуськалій». Рабочыя патрабуюць адстаўкі Лукашэнкі. Працаўнікі МТЗ днямі зладзілі шэсце да Дому ўраду.
ДР belsat.eu
