Надвор'е ў Беларусі: аранжавы ўзровень небяспекі, а пасля да +24


Сіноптыкі абвясцілі сёння штармавое папярэджанне на другую палову дня, паведамляе Белгідрамет.

Сёння з 14.00 да 18.00 па Віцебскай, Гарадзенскай і паўночным захадзе Менскай вобласці чакаецца ўзмацненне заходняга ветру парывамі да 15-20 м / с, якое захаваецца да канца дня.

З-за ўзмацнення ветру ў Менску абвешчаны аранжавы ўзровень небяспекі.

Пры гэтым у бліжэйшыя дні ў Беларусі чакаецца пацяпленне. 7 красавіка будзе пераважна без ападкаў. Тэмпература паветра ноччу і раніцай панізіцца да -3.. + 3°С, у другой палове дня +10.. + 16°С. У Менску чакаецца ўдзень +11-13°С.

8 красавіка, у нядзелю, будзе без ападкаў. Ноччу -2.. + 5°С, максімальная днём +13.. + 20°С. У Менску максімальная тэмпературы днём складзе +15 … 17 ° С.

9 красавіка таксама без ападкаў. Вецер паўднёвы ўмераны, днём парывісты. Тэмпература паветра мінімальная ноччу +1.. + 8°С, максімальная днём +16.. + 22°С, а па паўднёвым захадзе да + 24 ° С.

КА, belsat.eu

Стужка навінаў