Аўта пасля выбуху
Выбух адбыўся падчас запраўкі аўта газам.
Пра інцыдэнт паведаміла Міністэрства па надзвычайных сітуацыях Беларусі.
Ратавальнікі паведамленне пра выбух аўта на вуліцы Дамінікана,6 у Баранавічах атрымалі раніцай 16 жніўня.
«Паводле папярэдняй версіі, на тэрыторыі аўтамабільнай газанапаўняльнай кампрэсарнай станцыі пры запраўцы аўта «Volkswagen Touran» газам (метан) адбыўся разрыў 40-літровага балону без наступнага гарэння», – адзначаецца на старонцы МНС.
Уласнік аўта, 46-гадовы мужчына, у цяжкім стане шпіталізаваны ў рэанімацыйнае аддзяленне Баранавіцкага шпіталя.
Аўта пашкоджанае. Працаўнікі запраўкі не пацярпелі.
НМ, belsat.eu, паводле mchs.gov.by