Каля вёскі Мазекі Шумілінскага раёну 37-гадовы кіроўца аўтамабіля «Мазда 6» выехаў на паласу сустрэчнага руху, дзе адбылося сутыкненне з седлавым цягачом «Вольва FH» з паўпрычэпам. Кіроўца застаўся жывым. Пра гэта паведамляе тэлеграм Следчага камітэту.
У выніку ДТЗ кіроўца легкавога аўтамабіля і яго 39-гадовы пасажыр атрымалі цялесныя пашкоджанні. Яны шпіталізаваныя. У момант ДТЗ кіроўцы аўтамабіляў былі цвярозыя і прышпіленыя рамянямі бяспекі.
Следчыя прызначылі судова-медычную і аўтатэхнічную экспертызы.
ІІ belsat.eu