У вёсцы Ельніца Менскага раёну адбыўся пажар, паведамляе «Наша Ніва».
На цяпер дакладна невядома, якая канкрэтна гаспадарчая пабудова пацярпела ад агню. Як няма звестак і пра прычыну пажару. Каля дому Шакуты зараз працуюць следчыя.
Як распавялі TUT.BY ў Менскім абласным упраўленні МНС, падраздзяленні выязджалі на тушэнне гаспадарчай пабудовы ў вёсцы Ельніца каля трэцяй гадзіны ночы.
Гэты ўчастак і дом на ім належаць жанчыне з такім жа прозвішчам, як у кікбаксёра Дзьмітрыя Шакуты. Як паведамляе телеграм-канал «МотолькоПомоги», гэта ягоная былая жонка.
Адметнасць сітуацыі ў тым, што гэты ўчастак на вуліцы Кітаева належыць сям’і кікбаксёра Дзмітрыя Шакуты, інструктара па спецпадрыхтоўцы спецназа ў вайсковай часці 3214.
Шакута стаў вядомым як удзельнік канфлікту на плошчы Пераменаў, пасля якога памёр Раман Бандарэнка. Калі ўвечары 11 лістапада ў двор на вуліцы Чарвякова прыехалі людзі ў масках, зрэзалі БЧБ-стужкі, а Раман выйшаў даведацца, што адбываецца.
Таксама ў сеціве з’явіўся запіс тэлефоннай размовы, дзе людзі, якія гучаць як кіраўнік ФХБ Дзмітрый Баскаў і яго сябар-баец Дзмітрый Шакута, абмяркоўваюць нешта вельмі падобнае на тое, што адбылося на плошчы Пераменаў, якое прывяло да гібелі Рамана Бандарэнкі.