На радзіме Васіля Быкава пройдзе моладзевы летнік. Падавай заяўку і далучайся! Ёсць толькі 25 месцаў
Летнік пройдзе 14-18 чэрвеня ў Бычках. Арганізатары запрашаюць усіх ахвотных ад 18 да 30 гадоў.
Падаць заяўку можна да 10 чэрвеня. Зрабіць гэта можна тут. На летнік змогуць трапіць 25 асобаў.
Праезд і харчаванне ўдзельнікаў аплочваюць арганізатары летніку. Пражыванне – у намётах на тэрыторыі сядзібы.
«Удзельнікі змогуць сумясціць супольную працу, навучанне і адпачынак: папрацуюць над аднаўленнем школы пісьменніка, паслухаюць лекцыі, паслухаюць выступленні беларускіх бардаў», – абяцаюць арганізатары ў прэс-рэлізе.
Летась перад удзельнікамі летніка выступалі Уладзімер Арлоў, Алесь Пушкін, Валярына Кустава, Аляксандр Лукашук ды іншыя грамадскія і творчыя дзеячы.
Дадатковая інфармацыя: AITButsefal@gmail.com
Летнік арганізуе незарэгістраваная ініцыятыва «Цэнтр рэгіянальнага супрацоўніцтва». Партнёрскае падтрыманне аказвае Рух «За свабоду».
ЮВ, belsat.eu
