На праймерыз у Драгічыне нечакана перамог Губарэвіч

Тры новыя сустрэчы ў межах вылучэння адзінага кандыдата ў прэзідэнты Беларусі ад аб’яднанай апазіцыі прайшлі ў Берасцейскай вобласці. Пра гэта паведамляе штаб адзінага ў Facebook.

https://www.facebook.com/adziny2020/posts/142624540616455?__xts__%5B0%5D=68.ARBamTXST8Yc96nKG8KVmmhMtvgnhYoAZQvmpMTCICrgVupasLKAqqJvwt23zwRSykMN6zyHbVjs-spUSsRMfQ3BZ7gfw_Uzw3NTXwSUY1Uod_bxMcw1cYTjBq78CBY9uDAMLqFhQxq9Gtaw-kFSkPkNHGl9aNwiNKSvn6Qnbjk2aCTqmuAa22RwSRiLxEiJ_idm8yvdgvBgWrytkoemBGY8VpfqTmdKGmPQIW1MM3TOlbRh1eeBaNYz8qc5vUU5oIQno85AE7m-WcAeKPukxNBXH_LE0_4n4MXZMOtxxLvxa6OaIO_QawvYqF0Y0Lo_TsSROVbjyeysk3vBX2DE61Y&__tn__=-R

13 сакавіка на праймерыз у Бярозе і 14 сакавіка ў Берасці перамогу святкаваў сустаршыня Беларускай хрысціянскай дэмакратыі Павел Севярынец, а на сустрэчы ў Драгічыне большасць удзельнікаў галасавання падтрымала старшыню «Руху за свабоду» Юрася Губарэвіча.

«Драгічын стаў першым горадам, дзе большасць удзельнікаў праймерыз – Народнага галасавання не мелі ніякага дачынення да апазіцыйных структураў. Што адпаведным чынам адбілася на рэакцыі публікі на выступы прэтэндэнтаў, змесце пытанняў (больш цікавіліся сацыяльнай сферай, сельскай гаспадаркай, эканомікай, а не стратэгіямі перамогі) і выніках галасавання», – адзначыў у сваім Facebook Губарэвіч.

https://www.facebook.com/yury.hubarevich/posts/3071748596190985

Раней палітык таксама перамог у Гарадку на Віцебшчыне, а ва ўсіх астатніх мясцовасцях абсалютным пераможцам быў сустаршыня БХД.

Пакуль лідарам праймерыз з’яўляецца Павел Севярынец, якога падтрымалі 58,9 % удзельнікаў галасавання. На другім месцы – Юрась Губарэвіч (26 %), на трэцім – старшыня АГП Мікалай Казлоў (8,1 %), на чацвёртым – старшыня Сацыяльна-хрысціянскага руху Вольга Кавалькова (4 %) і на пятым – намеснік старшыні Партыі БНФ Аляксей Янукевіч (2,3 %).

15 сакавіка сустрэчы пройдуць у Пінску ды Століне.

МГ belsat.eu

Hавiны