На праймерыз апазіцыі ўпэўнена перамагае Севярынец

Праймерыз. Фота: facebook.com/adziny2020

8 сакавіка завяршыўся першы этап галасавання ў рэгіёнах за асобу будучага кандыдата ў прэзідэнты Беларусі ад аб’яднанай апазіцыі.

Сустрэчы прайшлі ў шасці гарадах і мястэчках Віцебшчыны – у Гарадку, Віцебску, Наваполацку, Мёрах, Шаркаўшчыне і Паставах. З іх толькі ў Гарадку перамога была за старшынёй «Руху за свабоду» Юрасём Губарэвічам, у пяці астатніх населеных пунктах лідарам галасавання быў сустаршыня Беларускай хрысціянскай дэмакратыі Павел Севярынец.

Перамогу на праймерыз у Гарадку атрымаў Губарэвіч

Як сведчаць звесткі штабу адзінага галасавання, агулам у галасаванні ўдзельнічалі 237 чалавек, з іх Севярынца падтрымалі 150, або больш за 63 %.

https://www.facebook.com/adziny2020/videos/195348918454308/?__xts__%5B0%5D=68.ARDkEhSHH71dPIO1LakVwCgD5M1O7E0TPLgEdQyszp5CFHOfQdNe9TuDfCo9RPOiJV39Dd56JDBautVTIWjUoQmaCSzPEigl3sy7a9dk0lBjRVMZXSgTjCds9beZGt08Z2BtzatWuVivHYEJVhet54z89U9AMPsktgy-FgMUFS8bhKmIjE4eImCs4ISXBTCdpfqXO1SnyTGg1yegQA5_taAija6ldsG7hLg9XU9LFqutRgZxdJTL1J3HV9TsYC-ysHFZZ9YIAVSoxKPdaWIPARnM3czobugYH-qw6i903_NoREsJYh_2XITbutjQzM6Q4odJITu6COwCI9zZUzuTLY4ZNFhpMuhNA48&__tn__=-R

У Юрася Губарэвіча 21,1 %, старшыні Аб’яднанай грамадзянскай партыі Мікалая Казлова – 10,13 %, намесніка старшыні Партыі БНФ Аляксея Янукевіча – 2,95 %, у сустаршыні БХД Вольгі Кавальковай – 1,27 %.

10 сакавіка галасаванне пройдзе ў Лепелі.

«Лесвіцу мыюць з верху да нізу». Рэпартаж з праймерыз апазіцыі ў Віцебску і Наваполацку

Пагадненне пра праймерыз, апроч БХД, ПБНФ, АГП і «Руху за свабоду», таксама падпісала Беларуская сацыял-дэмакратычная партыя (Грамада). Выбары адзінага кандыдата будуць прахадзіць у тры этапы: галасаванне ў рэгіёнах, галасаванне ў інтэрнэце і галасаванне на Кангрэсе 31 траўня.

МГ belsat.eu

Hавiны