Напярэдадні асноўнага дня галасавання колькасць людзей, якія зарэгістраваліся на інтэрнэт-платформе «Голас», перавысіла 1 млн чалавек.
Паводле стану на 16:00 8 жніўня, на платформе зарэгістраваліся 1 003 037 чалавек.
Гэта больш як 14,6 % выбарцаў.
Між тым Генпракуратура звярнулася да Міністэрства інфармацыі з просьбаю абмежаваць доступ да платформы «Голас». Аб гэтым у эфіры тэлеканалу «Беларусь – 1» заявіла прадстаўніца ведамства Марына Папова.
Платформа «Голас» была створана, каб забяспечыць сумленны падлік галасоў. Выбарцы мусяць зарэгістравацца на платформе і загрузіць туды фотаздымак свайго бюлетэня. Гэта дазволіць правесці альтэрнатыўны падлік галасоў.
Апошнім часам платформа «Голас» сутыкаецца з ціскам з боку ўладаў. Сярод іншага яе абвінавачваюць у закліку да масавых закалотаў.
МГ belsat.eu
