У ноч на 27 траўня ратавальнікам паведамілі пра пажар у бабруйскім дзевяціпавярховіку.
Калі супрацоўнікі МНС прыбылі на месца і ўскрылі металічныя дзверы, у кватэры на восьмым паверсе было моцнае задымленне, паведамляе прэс-служба ведамства.
На падлозе ў спальні знайшлі 6-гадовых хлопчыка і дзяўчынку. Дзяцей перадалі медыкам, аднак выратаваць іх не змаглі.
Падчас трагічнага здарэння маці ў доме не было. Старэйшы дзяцёнак быў у бабулі. Цяпер высвятляюцца прычыны і акалічнасці трагедыі.
НМ, belsat.eu