На мяжы Беларусі з Еўразвязам за год затрымалі 850 нелегалаў


Памежныя службы Латвіі, Літвы ды Польшчы распавялі, колькі нелегалаў злавілі на мяжы з Беларуссю.[vc_row][vc_column][vc_raw_html]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[/vc_raw_html][/vc_column][/vc_row]За год на мяжы Беларусі з Еўразвязам затрымалі больш за 850 нелегалаў, 200 з якіх – беларусы.

Пра гэта сведчаць дадзеныя, атрыманыя Belsat.eu ад памежных службаў Латвіі і Літвы, а таксама апублікаваныя на сайце памежнай службы Польшчы.

Цікава, што падчас міграцыйнага крызісу, які перажывае Еўропа, на мяжы Еўразвязу з Беларуссю лічбы стабільныя. Для параўнання: год таму памежнікі Латвіі, Літвы і Польшчы затрымалі 824 нелегалы, сярод якіх было 202 беларусы.

«Гэтыя лічбы малыя, і бачна, калі ўзяць дынаміку за апошнія 7-10 гадоў, яны амаль не змяняюцца. Гэта сведчыць пра тое, што ўсходнія рубяжы Еўразвязу і ўвогуле ўчастак беларуска-еўрапейскай мяжы даволі добра ахоўваецца і не зʼяўляецца папулярным маршрутам для нелегальным мігрантаў у Еўрапейскі саюз», – адзначае эксперт па пытаннях міграцыі Андрэй Елісееў.

Разам з тым, паводле памежнікаў Латвіі і Польшчы, колькасць затрыманых нелегалаў на мяжы з Беларуссю за год павялічылася: з 74 да 175 у Латвіі і з 352 да 415 у Польшчы. А вось літоўскія памежнікі затрымалі ў паўтара разы менш нелегалаў, якія прыйшлі з Беларусі: 264 чалавекі летась супраць 389 у пазамінулым годзе.

Прэс-афіцэр Дзяржаўнай памежнай службы Літвы Рокас Пукінскас адзначае павелічэнне колькасці парушальнікаў мяжы з Вʼетнаму.

«Адна з прычынаў – расейскі рубель. Ён таннее, і шмат якія вʼетнамцы, якія, напрыклад, у Расеі працавалі на будоўлі, не атрымліваюць грошай, іх падманваюць, з імі не могуць разлічыцца. І яны проста мігруюць праз Літву ці Польшчу далей у пошуках лепшых умоваў жыцця», – заўважае Рокас Пукінскас.

І пры гэтым дадае, што ўсе беларусы, якія спрабавалі незаконна перасекчы мяжу, былі звязаныя з кантрабандай.

Зміцер Кустоўскі, belsat.eu

Стужка навінаў