Раніцай 15 верасня ў парку на месцы былога гандлёвага цэнтру «Зимняя вишня», на пажары ў якім у 2018 годзе загінулі 60 чалавек, адкрылі Сквер анёлаў. Паведамляе «Комсомольская правда».
У парку высадзілі алею з 60 нямецкіх соснаў – адпаведна колькасці загінулых у гандлёвым цэнтры. Тут таксама зробленыя дарожкі, дрэвы, фантан, вадаспад, капліца, музычная вежа ды амфітэатр. Для афармлення выкарысталі каля 17 тысяч камянёў, вага самага цяжкага з якіх складае 15 тонаў.
Адкрылі сквер без урачыстых падзеяў і пераразання стужак. Тым не менш, на адкрыцці выступіў губернатар вобласці Сяргей Цывілеў, які таксама паказаў наведнікам адрамантаваную побач школу.
Стваральнікам скверу выступіў брытанскі архітэктар Джон Кэлвін Відман.
Пажар здарыўся ў гандлёвым цэнтры «Зимняя вишня» ў Кемерава 25 сакавіка. Узгаранне тушылі амаль содні. Выніковая лічба ахвяраў трагедыі склала 60 чалавек, большасць з іх – дзеці.
МГ belsat.eu
