На Ігара Лосіка распачатая крымінальная справа за «арганізацыю дзеянняў, што груба парушаюць грамадскі парадак»
25.06.202023:22
На блогера Ігара Лосіка завялі крымінальную справу паводле арт. 342 КК (Арганізацыя і падрыхтоўка дзеянняў, якія груба парушаюць грамадскі парадак).
Пра гэта паведаміла ў сваім Instagram ягоная жонка Дар’я. Афіцыйнага пацверджання гэтай інфармацыі ад сілавых структураў пакуль няма.
Паводле яе, цяпер Ігара ўтрымліваюць у ізалятары на Акрэсціна ў Менску.
Адміністратар папулярнага тэлеграм-каналу «Беларусь галаўнога мозгу» Ігар Лосік быў затрыманы ўдзень 25 чэрвеня пасля вобшуку ў ягонай кватэры. Яму пагражае да трох гадоў пазбаўлення волі.
ВІДЭА
Жонка затрыманага блогера Лосіка: «Казалі, што калі не адчынім дзверы, іх узарвуць»
2020.06.25 16:09
КА belsat.eu
