У выніку ДТЗ у Воранаўскім раёне Гарадзенскай вобласці загінула жанчына, паведамляе тэлеграм-канал Следчага камітэту.
Паводле папярэдніх звестак СК, 17 кастрычніка каля 18.45 непадалёк ад вёскі Мікянцы Воранаўскага раёна, рухаючыся па трасе Іўе-Ліпнішкі-Бастуны-Радунь, кіроўца легкавога аўтамабіля падчас сустрэчнага раз’езду з аўтацягніком наехаў на раварыстку.
Ад атрыманых цялесных пашкоджанняў жанчына памерла на месцы ДТЗ.
У дачыненні да 30-гадовага кіроўцы распачата крымінальная справа паводле ч.2 арт.317 КК (парушэнне правілаў дарожнага руху, якое пацягнула за сабой смерць чалавека па неасцярожнасці).
У дадзены момант абставіны аварыі ўдакладняюцца.
КА belsat.eu
