Беларусь не ўвайшла ў першую дзясятку.
Раксана Вэнгель з Польшчы стала пераможцай дзіцячага «Еўрабачання», якое прайшло ў нядзелю ў беларускай сталіцы. У фінале конкурсу полька выканала песню «Anyone I Want To Be».
Другое месца заняла Францыя, трэцяя – Аўстралія.
Раксане Вэнгель 13 гадоў і яна з’яўляецца пераможцай першага сезону дзіцячага конкурсу «The Voice Kids» у Польшчы. Яе першы сінгл пад назвай «Жыві» набраў больш за восем мільёнаў праглядаў на YouTube.
Даніэль Ястрэмскі, які прадстаўляў Беларусь, заняў 11-е месца.
ДД