На аўкцыёне Ay.by выставілі дакументы былога прэзідэнта Украіны Віктара Януковіча, які пакінуў краіну ў 2014 годзе ў выніку Рэвалюцыі годнасці.
За Br 49 тыс. прапануецца купіць банкаўскую юрыдычную справу з копіяй пашпарту экс-прэзідэнта Украіны. На дакументах ёсць подпісы самога Віктара Януковіча.
Прадавец з Бранскай вобласці Расеі запэўнівае ў 100-адсоткавай сапраўднасці дакументаў.
«Толькі бяспечная ўгода ды поўная канфідэнцыйнасць», – заяўляе ўладальнік.
Віктар Януковіч кіраваў Украінай у 2010-2014 гадах. Ён вымушаны быў пакінуць краіну і ўцячы ў Расею праз Рэвалюцыю годнасці.
МГ belsat.eu