Паводле праваабарончага цэнтру «Вясна» на пратэстах, якія прайшлі 30 кастрычніка ў розных гарадах Беларусі затрымалі не менш за 39 асобаў.
Найбольш масавыя затрыманні адбыліся ў Горадні, дзе меўся прайсці марш у падтрыманне працоўных заводу «Горадня Азот». Таксама міліцыянты затрымалі ўдзельніц жаночага маршу ў Менску.
Сярод іншых у Горадні затрымалі «БЧБ-нявесту» – Іну Зайцаву з Менску, якая стала адным сімвалаў беларускага пратэсту. Яна прыходзіла на акцыі супраць фальсіфікацыяў і беззаконня ў сукенцы нявесты. З ёй была сяброўка – Марыя Пашкевіч. Яны абедзве былі дастаўленыя ў Кастрычніцкі РУУС Горадні.
Затрыманні таксама адбыліся ў Віцебску, Светлагорску і Наваградку.
Пратэсты ў Беларусі доўжацца трэці месяц з моманту правядзення прэзідэнцкіх выбараў. Удзельнікі акцыяў заклікаюць Аляксандра Лукашэнку пайсці ў адстаўку.
AA belsat.eu
